【嘿嘿為食記】跟三五知己嘆創意泰式fusion Cafe

好姊妹鍾情泰國菜，但又唔想食正宗泰菜。

今日一於去呢間以Tiffany blue為主色嘅「so Thai so good」泰式 x 西式Fusion Cafe食晚!

舖內牆身嘅畫係人手畫咖，好得意又夠哂有心思!

  

餐牌都係係藍色為主色!而且除了餐前小食、主菜之外，飲品跟甜品都有好多選擇!!!

 

   

要食埋先知道有無驚喜發現!

呢個脆香魚鬆配芒果沙律醬(HK$65)，以玻璃樽裝住d沙律，幾特別!

不過脆香魚鬆嘅味道我就麻麻地...個人覺得貴左d!!

椒鹽蒜辣魷魚(HK$65)，真係好好味!外皮炸得好鬆脆，點埋個泰式辣醬真係停唔到口!

 當然要食我至愛嘅薯仔，呢款名為 自家製薯角伴香辣芝士蛋黃醬(HK$48)，我超喜愛!

芝士蛋黃醬辣辣地...焗薯同芝士好似融為一體咁!你睇下d芝士仲可以拉絲......好正呀!

脆炸茄子配泰式辣醬(HK$48)，一樣都好脆!!嗜辣嘅人啱哂!!

炸軟殻蟹($85)，係好香脆可口，呢度嘅炸物係幾出色，全部都唔係好油!

不過軟殻蟹唔係幾入味呀!!!

泰式三文魚他他配薄多士(HK$55)，呢款真係幾辣下，

無諗過泰式辣醬可以配三文魚，仲要係好多士咁嘅食法!

豬肉及雞肉沙嗲串燒(HK$48)，食泰國野點可以唔食串燒!!呢款OK la!!

脆皮豬手配香葉辣椒豬手炒飯(HK$90) ，呢個飯好好味!個飯甜甜地，小小辣!!

而且豬手外皮炸得好香脆，肥瘦亦好適中!推薦!!!!

椰汁海鮮炒飯(HK$85)，有一隻大大嘅大頭蝦，個飯有紅蘿蔔、青豆、粟米粒，

係好重椰香味...仲幾甜，不過覺得得一隻大頭蝦就少左d....

梗係叫返d野飲解下辣!香桃乳酪(HK$38)，桃味好香，而且好重奶味....不過甜左D...

藍梅乳酪(HK$38)好飲d，可能無咁甜，感覺Fresh D!!

士多啤梨乳酪(HK$38)都唔錯~~~

最後叫左個甜品試一試水溫!!

紅桑子千層班戟蛋糕(HK$48)，不過個班戟有啲厚又唔係好夠滑!

但有得吱下紅桑子汁寫下字係面都幾得意嘅!

好姊妹! Happy Birthday!!!!!!!!!!!!

其實以呢個價錢，Cafe嘅格局，嘆到泰式fusion菜，d食物都幾有特色幾有創意，

大部份都幾好味，呢度都係一個唔錯嘅選擇!!!

so thai so good

尖沙咀彌敦道132號美麗華商場1005號舖 (尖沙咀站 B1/ N5 出口)

 歡迎加入HeiHei。嘿嘿的facebook，將一切美好的記錄下來。！

https://www.facebook.com/HEIHEI.WORKSHOP/

【嘿嘿為食記】深水埗舊式快餐店．無敵生炸雞脾飯

深水埗，其實真係好多港式小店，周圍D街坊都成日去幫襯!

呢間老字號「智多星」快餐店已經有26年歷史，係我地其中一間成日去食嘅飯堂。

大家先睇下有咩食，之後要去收銀伯伯度落單，

之後比過錢就會比電腦單你去排隊拎餐。

如果要等的話，有餐就會有人開咪叫你。

收銀伯伯雖然年紀大，但每次都充滿笑容問你食咩飯，令我覺得好溫暖啊!!

嚟得呢度，識食梗係叫生炸雞脾飯，仲要配好懷舊嘅螢光橙茄汁先至Perfect Match。

生炸雖然好邪惡但好好味，雞脾大大隻，炸得好香脆，而且醃得幾入味!!

生炸雞脾飯連連凍飲HK$42,單叫都只係HK$37!

呢款咖哩班塊飯都唔錯，咖哩好微的香辣，薯仔好入味!而且是波浪紋，好有心思呀!

呢款栗米雞絲飯，個汁太杰了....中伏!!! 

如果大家覺得成日食開大X樂同大X活呢D大集團快餐店食到厭倦，

不仿過來舊式快餐店食下舊時港式嘅味道，支持一下!!

希望這些小店不要太快被淘汰....

店舖是舊式裝修，七八十年代的風格，大大的餐牌貼在牆上，

學生嚟食，仲有學生餐價錢呀~抵呀~可惜我唔是學生哥了!

智多星

深水埗營盤街 145 號地下

港鐵長沙灣站 A2 出口, 步行約5分鐘

 歡迎加入HeiHei。嘿嘿的facebook，將一切美好的記錄下來。！https://www.facebook.com/HEIHEI.WORKSHOP/

Lucky Star Delicious Foo

【嘿嘿為食記】抵食雞煲+海鮮火鍋，真．原隻波士頓龍蝦湯底

想打邊爐，唔一定要等天寒地凍嘅，

只要齊腳，約埋三五知己，想幾時打就幾時打啦!!

呢間位於觀塘區嘅火鍋店，真係去食過一次就反唔到轉頭，

每次一諗起打邊爐同雞煲，就係去食倫哥私房菜!

舖內裝修好新淨，多人可以book細房，

而且店員態度好Nice呀!

雞煲同任食海鮮火鍋都係每位$268(有加一)!!!

仲有涼茶同汽水都係任飲呀~

最重要係用料十足又新鮮，而且每足哂兩個願望~

先黎四季豆前菜，小小辣，唔錯!!

招牌雞煲，有BB辣，小辣，中辣，大辣；

如果唔食得辣，可以叫唔辣都得!

呢煲係小辣，D雞肉一D都唔「鞋」，好嫩口同好入味!

雞煲食到咁上下，再倒D豬皮同魷魚落去，

D豬皮索哂d汁，惹味到暈!

食完雞煲，就黎到今晚嘅真．原隻波士頓龍蝦湯底出埸喇!

真係成隻咖!!好鮮味啊~

其實除左原隻波士頓龍蝦湯底，仲有花甲蟹湯底可以選擇~

唛到主角喇!!!!勁足料嘅環球海鮮配料出場喇!

睇樣都知新鮮啦~

有生蠔、大蜆、象蚌仔、刀貝蜆、

元貝、鮑魚、海中蝦、龍躉、鯇魚等等...

呢個海鮮併盤唔係任食嘅!睇人頭每人每樣一件!!!

刀貝蜆同生蠔都好大隻，好肥美好鮮甜!!!

龍躉都好滑好有魚味!!!

呢隻真．鮑魚係有匙羹咁大咖!!!!

雖然海鮮併盤唔係任食，但係雲吞水餃、

四寶丸、響玲魚皮同蔬菜可以任叫既!

四寶丸好彈牙咖~唔係外面D cheap cheap丸!!

仲有兩個人有一碟本地手切牛頸脊，

牛頸脊口感唔同肥牛，有肉地有咬口!

如果要追加每碟$30，但都抵，因為呢隻牛真係好掂!!!

最近仲榮獲左2016中國飯店金馬獎火鍋天王至尊大獎。

食完仲有糖水送!!!咁既價錢，食到咁高質素，無得彈啊!!

倫哥私房菜

觀塘鴻圖道76號聯運工業大廈

港鐵觀塘站 B2 出口 (步行約8分鐘)

歡迎加入HeiHei。嘿嘿的facebook，將一切美好的記錄下來。！

https://www.facebook.com/HEIHEI.WORKSHOP/

【嘿嘿為食記】赤柱老香港懷舊小食。我們的集體童年回憶

一提起赤柱，大多數人只想到陽光與海灘?

仲有海旁嘅酒吧與餐廳?

最近比我係赤柱穿梭大街小巷嘅時候，

俾我執到寶咁有新發現!

好似時光倒流咗去二十、三十年前嘅香港小食檔咁 !

赤柱江仔懷舊特色小食部，

店舖裝修和擺放的物件以60至80年代為主，

充滿懷舊風味。成牆都係60至80年代嘅黑膠唱片封套!

嘩嘩嘩!!陳百強呀~張學友呀~張國榮呀~

枱面是綠色舊時地磚貼紙，

用可樂膠箱來做枱腳!!好old school呀!

看得出老闆好用心去佈置呢間店舖!!!

仲有牛奶公司雪糕箱、維他奶箱、兒童過路牌、

古董電視、古董相機、舊電話、可口可樂搖搖、

任天堂紅白機、扭閃卡機、卡式機等等。

任天堂紅白機，你打過未?或者有人會未見過~XD

看著牆上嘅古董搖擺鐘，英女皇頭像嘅相，

古董電視機仲不停播放住80至90年代嘅舊電視廣告同電影，

食住小食，撈住舊電視汁，確實勾起很多那些年的回憶。

呢度嘅食物亦都充滿懷舊味道，太飽嘅關係，無叫車仔麵食。

只係叫左生菜魚肉碗仔翅，碗仔翅用懷舊雞碗!HK$28大大碗!

招牌咖哩魚蛋小辣(HK$15)，咖哩汁好惹味!

其實唔算好辣，不過D咖哩汁似沙嗲汁多D!

魚蛋唔係粉團，都爽口同彈牙咖!

豬皮蘿白配咖哩汁一流，蘿白好鮮甜又冇渣! (HK$25)

最後嚟支經典孖條(HK$10)!!青檸味，炎炎夏日食完爽哂!!!

其實仲有冰菠蘿、冰芒果、魚肉燒賣、

炸雞脾，牛筋丸、腸粉、撈一丁等小食。

仲有部份兒時零食同小玩具可以買!!!

下次去開赤柱就過來江仔記一趟，

食下呢度嘅懷舊氣氛，懷緬一下!

此外，有聖士提反書院嘅舊生會紀念品代售呀啊!!!

赤柱江仔小食部 Stanley Kong Tuck Shop

營業時間：星期二至日（11:00 - 19:00）

逢星期一休息（公眾假期除外）

歡迎加入HeiHei。嘿嘿的facebook，將一切美好的記錄下來。！

https://www.facebook.com/HEIHEI.WORKSHOP/